7 － 10 Sep 2015
從這天開始一連 4 天肥仔去上 seminar，所以我就自己搵節目。
其中一天去了手袋博物館。
7 Sep 2015
這天肥仔陪我吃過早餐就 check out 轉到機場的 Hilton 酒店。 這店有點茶餐廳 feel。 早餐選擇也很多。 這頓消費了 19.25 eur。 下午他就去為 seminar 開會。 而我就留在酒店和到機場商場逛逛。 晚上求其在商場的 supermarket 買了 wine 和食物回房間慢慢嘆。
the Corner
Martelaarsgracht 26 Amsterdam
8 Sep 2015
今日去濕平。 因為 amsterdam 其實好多小商店街。 由 Wijde Heisteeg > Huidenstraat > Runstraat 。
小店門外大多都放有椅子給客人休息和聊天。 這間 the Darling 除了賣衣飾外，上層小閣樓是小型咖啡室。
這店專門做 bowtie 的。
跟住乘車到了 Bloemenmarkt 花市。 不過有得睇冇得買。 之前住 geneva 還會買鬱金香球根回去種。 現在就不能買了。
買交通票真好！ 鐘意就跳上車，鐘意就落車。 落錯車又可以唔使買票上過車。 超方便。 所以突然又諗到去 Leidseplein 上的露天 bar 坐坐，飲杯啤酒，吃點炸雞。
乘車返回 Nieuwezijds Voorburgwal。 想去睇 valentino shoes。 所以入咗去位於水霸廣場上的 de Bijenkorf。 這間有很多大品牌的 counter 或專門店。
於是我就找我想買的 140 x 140 的大茄士咩披肩。 有貨喎！ 太好了。 我好爽快就要了。
這兩個 pattern 都係心目中之選。 不過都係紅＋粉紅靚好多。 之後當然例牌問吓有冇 Birkin & Kelly 啦，sales 話有都只係賣比 local。 咁算啦。 接著 sales 問我有冇興趣 silk'in wallet。 silk'in 就冇興趣了。 反而想睇吓皮鈪。 又選了兩隻。
之後 sales 拎個未上架的 halzan 出嚟問我有冇興趣。 3600 eur 未退稅又好吸引。 但係鮮紅色真係有點豫疑。 而另外兩隻色就係黑色或白色。 sales 姐姐話黑色又唔特別、白色易污糟，而紅色最 sharp。 所以推介我選紅色。 好啦！ 殺埋佢。 香港賣成四萬多。
㨂 twilly 的時候校長又想買。 所以叫 sales 姐姐將有一對的款式打開拍照給她選擇。
她選了這款。 最開心就係 serve 我的 sales yuki 是港人移民後代，可以用廣東話跟她溝通。
她見我一個人，為安全，她建議我不要拿著大橙紙袋。 所以著同事去取一個 department store 嘅紙袋給我，還有雪梨紙遮蓋著戰利品。
背著大大袋的戰利品，valentino shoes 就冇再去搵。 只是經過 hermes 旁邊的飛甩雞毛入去幫醫生太太睇矮踭鞋然後就直接上四樓 taxrefund counter 搞退稅。 我選擇了付 3.5 eur 手續費即時取 cash refund。
事成後就回酒店去了。
9 Sep 2015
肥仔奇怪我這次沒有去博物館，所以今天就選擇了我這個袋痴喜歡的手袋博物館 "tassen museum" 去參觀。 售票的女仕又把我當成學生，問我是否買學生票。 其實她問我之前我已經話要一張成人票。 轉個頭竟然問我係咪買學生票。 anyway, 開心既！ 仲可以被看成學生。
入場費 12.5 eur。
博物館還設有餐廳。 可在餐廳或時代展室享用“Hendrikje”下午茶。 又可選擇fashion 下午茶。 還有時代展室享用午餐。
接著就去了 Rembrandtplein 廣場。 找間餐廳 hea 吓，
今日六隻雞翼加啤酒！ 人家這些地方真係好好 hea。 坐足 1.5 小時都唔會覺得悶。 可能環境太舒服了。
準備乘車到 dam 時路經這間店。 店內出售廚房小件、擺設、電話配件等。 我買到了一直想買的瓦通紙打開變成一張小圓櫈的小櫈。 7 eur 而已！
之後返去 de Bijenkorf。 諗住搵 sales 姐姐個 halzan 條帶點裝。 不過佢放假。 算啦。 第二日再嚟過。
機場附近沒太多選擇。 肥仔回去也要工作，所以選擇了最近的 sheraton hotel。
肥仔食排，我食魚。 沒特別啦。
10 Sep 2015
是日我要繼續濕平。 因為 Leidsestraat 上的商店還沒有逛過。
在酒店 hea 到成點鐘先出去。 到了 central station 時這個給人自由表演的鋼琴有位人兄正在演奏。 好掂！
先到 Korte Leidsedwarsstraat 食街找吃。
轉了個圈，選了這間 11.95 eur 任食 ribs 的 Satellite Sportscafé。 連啤酒合共 16.55 eur。
跟住就開始濕平。 之後又去 flying tiger 買多張瓦通紙櫈。
今日任務就係幫醫生太太買鞋。 而 Valentino 唔啱心水，所以我又順便買了第一雙飛甩雞毛的 little red shoes。
朋友選了這款 398 eur 1 吋踭深藍色的。 原本諗住等肥仔晚飯。 但最後他要同 group dinner。 所以做完退稅就直接返機場個 supermarket 買個青咖哩飯返買店食。
4 天的日子眨吓眼就過去了。 明天等肥仔上午上完堂下午就可以去威威 lu。
我講過 amsterdam 個交通系統好方便，大家只有買這種 travel ticket 就可以無限乘搭由 GVB 提供的交通工具。 而另一款 I amsterdam City Card 就包括交通和博物館入場費。 如果有意參觀大量博物館就要考慮買 I amsterdam City Card 了。
但緊記是每次上、落車都要搵呢部機"嘟"。 即係拍咭。 上車嘟嗰部，落車都可以嘟返同一部或者第二部。 上車拍就只有一聲"嘟"。 落車拍就"嘟嘟"。 唔記得拍就會影响你繼續使用。
另外，火車有分座位級別。 而我們我交通咭只是二等座。 所以記得在車廂外望吓見個 2 字先好座呀。 如果唔係捉到要罰架。
車票打開已經有埋行車線路地圖和使用守則、 著名景點等。
沒有留言:
張貼留言