＠ 風車國 の 戰利品

女人最開心莫過於講濕平。。。我成日同肥仔講因為平過香港幾多幾多，所以好抵買。  我個肥仔話如果唔買咪仲抵！   我話但係我個開心指數係响谷底喎！  跟住好明顯見佢

言歸正傳，最開心係哈蜜瓜有進帳啦！

Halzan 原來幾實用。  內袋有個可以擺 pad 嘅隔。 然後前外袋又有隔。 後外袋又有隔。 條帶仲可以長／短揹。  又可手挽。 拆帶有可以當 clutch bag。  size 31 仲唔會太大。

買袋配條 twilly 幫佢扮靚靚。

這隻皮鈪好處係個扣可以拆出嚟加條皮繩當吊咀帶。  一物兩用。 唔錯。

呢隻無特別，純粹鐘意個色。

人生第一對飛甩雞毛。  選了 little red short heel。  原本想買高。 但係諗諗吓𠵱家真係少機會著。 所以選這個高度應該不錯。

肥仔隻舊馬要結婚。 除了人情外，我覺得另送上一份小禮物是不錯的。  classic logo 款實唔會錯。

買比人，當然又買對比自己。

在海牙買入這雙短 boots。 原本試了一雙有內毛加高踭。 最後都係嗰句.....平底穿的日子較多。

在小店 i love vantage 買到了復古太陽眼鐘和小介指。

這兩件 design 好好睇。 雖然唔係大牌子，而且價錢都算貴。 但著上身好睇又易襯。

在 Massimo Dutti 進帳。  香水除了我呢支外，肥仔都買咗支。

肥仔在 mango man 買的皮褸。

肥仔在海牙買的中褸。

肥仔比我影响下又買鞋。  右邊對 tom 是在海牙買入的。

在 flying tiger 買入的紙櫈和 chopping board。  紙櫈每張 7 eur。  chopping board 10 eur。

黑松露芝士，好好味。 又唔貴。

小小紀念品。