淘 ～ 茶吧

在國內飲水機是必須品。  基本上上海家家戶戶都不喝用自來水煮的白開水。 連煮食都要用蒸餾水。 所以飲水機是不可缺少的家電。

原本業主提供的是舊式水機，要將蒸餾水捯轉放在水機上。 而送水的大叔見我後生的一般都不會幫手。  所以我只好留給太后叫水。  她的年紀要求放上水機他們也不好意思 say no。  但早陣子太后以為漏水，所以我換上了一台簡單自動泵水機頂替。

後來發現是櫃內的儲水式熱水爐水膽爆裂引致。  需要整個換掉。  換機要一萬人仔，要取得業主同意才可進行。  星期四發生，但租屋代理告知業主代理負責人放假去，要星期一才回來工作。  天呀！  你真係當我傻！  我忍你一晚可以。 要我會所沖涼四日？！  這是不可能的事。 管你放多少天假，總要找個人幫我馬上解決。 而且這屋不像香港每個浴室都裝有熱水爐。 這台是供應全間屋的熱水。  所以我一直叮囑我租屋代理無論如何用什麼手法都一定要在星期五早上取得業主同意換機。  免得拖到下午到供應商師傅又話送唔切貨，裝唔切機等等。

這台熱水爐成個人咁高。 要兩個大男人才可搬動。 由於櫃的限制，要三個才可抬入裝機。

熱水爐解決了就要解決飲水機。  雖然舊機証實沒有漏水，但太后又身痕了。 問整熱水爐師傅如何拆開水機清洗。  人家當然話唔識啦。   anyway，為了放水和清洗問題我決定換機。  原來依家國內很多這款茶吧。

下面放水樽。 上面有個 180 度可轉動的水龍頭和電水煲的供電插座。

枱面有觸控式鍵。 泡茶／高原分別為 100／85 度水溫。 0.8/1.2L 一按即自動裝水至該選擇水量。 煲水溫度由 50-100 度調較。  另一款還在左邊配有保溫底盤。 適用於花茶玻璃壼。  不過我就覺得沒有這個需要了。  所以買了這台簡簡單單只可出水加煲水。  越簡單越好。 免得太后每事問。

就好似個熱水爐，出事後問我會唔會影响我間房熱水供應。 天呀！  我答佢成間屋得一個爐當然會啦。 佢又答我"依家清楚晒"。  真係又滾滾哋！ 大王呀！  成間屋窿窿罅罅你都抺勻＋ scan 過，咁大個爐你竟然又話唔知！  冷氣又話唔知位置。  冷氣咁大部，收得埋嘅咩！

其實一早都知佢係咁，所以我好早已經有張清單例晒成間屋冷氣位置，邊部用得邊部唔用得。 熱水爐 reset 要點做.....跳 fuse 要點做.....間屋要維修要打去邊.....報警和叫白車要打邊個號碼.....front desk 服務範圍以至司機工作時間等....總之我記得都寫鬼晒落去。  叫佢睇佢又唔睇。  最討厭成日第一句就話佢唔知道。