Le CreUSet ～ 雞煲打邊爐

最近打邊爐因為我們細食，來來去去都係牛肉烚吓烚吓。  烚到都有點悶。  於是攪攪新意思。 學人整個雞煲。  由於個汁都夠晒味，所以不用混醬。

參考了討論區的食譜，但自己不愛麻辣，所以就改了食譜。

材料 :                                                                                        
冰鮮雞 1 隻
洋蔥    半個
蒜頭    6 粒
乾蔥頭 6 粒                                  
薑        4 片
唐芹    1 棵
芫茜    2 棵

調味汁料 :
鮮雞濃湯寶半塊
蠔油 1 湯匙
片糖 1/4 塊
水



醃料 :
生抽
糖
老抽 >> 後下
紹酒
麻油


做法 :
1）先將雞洗淨，斬／剪件加入醃料拌勻雞件醃一小時。
2）洋蔥切件，唐芹、芫茜切段備用。
3）凍鍋下油燒熱，將薑片、洋蔥、紅蔥頭和蒜頭一齊爆香後下雞件快炒至金黃色加蓋以細火焗數分鐘。  開蓋後改中火，下老抽炒至雞件上色再落調味汁料。 下片糖後久不久拌一下防止痴底。 雞煮至八成熟後即可加入唐芹和荽茜端到枱上的電磁爐滾至熟透即可。

雞煲吃得 77、88 後可再加入雞湯或清水繼續打邊爐 😋。

三個人竟然食晒。  成績不錯呢😌！