StaUB ~ 無水蒸白切雞

很久沒有在家吃白切雞了。 其實以前太后基本上隔個星期都會蒸雞，但自從出現禽流感後太后覺得冰鮮雞唔新鮮，所以好少好少買雞。 而我做"當家"之後通常都只係買烏雞煲湯， 漸漸地沒有在家吃了。

不過，最近見 blog 友們玩無水蒸雞咁開心，我又想試吓。

不過唔知係唔係我用芝麻雞， 太細隻。  蒸十五分鐘開蓋想反轉已經見隻雞啲皮爆裂。  下次細雞要減時間。

另外， 在 youtube 學會了剪雞大法。 用咗孖人肉剪，輕輕鬆鬆就剪完。  大概熟雞較易剪。

器皿 ： 22cm round

參考食譜 ： Catijeff ~ 無水蒸白切雞 ＆ helen 的方家小廚 ～醬油麴焗雞


材料：
雞一隻
粗鹽
蔥一把
薑片
薑汁


做法：
1）雞洗乾淨後瀝乾。  依次用薑汁、紹酒和粗鹽塗滿雞身和內腹醃數小時。
2）蔥切段取部份墊在內鍋底部。 另將薑片和部分蔥放入雞內腹。  將雞放在蔥段上（雞胸向下），並將醃雞汁加入後加蓋， 以中大火煮至冒煙後轉小火煮 15 分鐘。  打開蓋將雞反轉，再以小火煮 15 分鐘。 熄火後（不要打開蓋）焗 30 分鐘至熟。
3）取出放涼後剪／斬件上碟。