淘 ～ 紅米 NoTE 聯通增強版

一直都想平平哋買部米仔玩吓 Android 系統。 等了良久，最近細魔決定入手紅米 note。
同時代淘了一台給我。  點解淘？ 我哋都唔想。 搶又唔夠人搶。 學細魔話齋"都想同官網買，但佢煩過新年拜車公/去搵觀音借庫......"。 邊鬼得閒成日伏住。 我都試過搶，未開已經提前入去搶，但正點入到去都即刻話售罄。  所以放棄。

入手這台是因為 8 核，雙咭雙待。 5.5 吋屏幕。  米仔個版面比之前試玩部聯想簡潔。 但細魔話有點唔慣。  我就覺得唔錯。 so far，反應、睇片速度都幾好。

機內設有簡易模式 （俗稱 "老人"模式）。  都幾好。  大大個圖，又簡潔。 適合老人家用。

怕唔怕淘到假機？  怕㗎！ 不過呢間細魔幫襯了好幾次，而且用了驗機程式。 又憑機身 IMEI 和防偽碼在官網上查過是正品。  應該可信呱。 所以花多少少唔去搶都值得嘅。