這間酒店實在值得推介。 每間房費 71400円包朝食和夕食。 而兩食也不是求求其的那種。 房間又新淨、 泊車又免費。 又近清水寺。 唯一沒有 wifi 提供。 幸好肥仔電話個 plan 可以 share hotspot。
出發往奈良前， 先送阿爸到 toto 參觀。 再送他倆到大丸超市看看能否買到一箱的迷你版日清杯麵。 我趁機想找茶櫃（即日本酒店經常放在房間內那個儲放茶具的圓盒子。 阿爸不知道這是存放茶具， 以為是潮洲茶般用來倒水的。 有一晚我發現他將所有水倒進去。）
可惜， 大家也找不到。 迷你版杯麵只有在便利店才找到， 而且沒有一箱出售。 只好沿途經過的便利店都入去掃貨。
其間終於在一間賣家具精品店 ~ life creative boutique alba 找到媽咪每次叫我替她買的 garden shoes。 可惜她的尺碼沽清。 注定無緣。 原來這店除了京都有分店外就只得大阪天王寺兩家店。
離開途上經過西本願寺。
到了奈良又是醫肚時間。 帶他們到炸豬專家 とんかつ。 味道依然。 不枉再次光顧。
飯後才送他倆到奈良公園與麋鹿零距離接觸。
是晚入住賣點天然溫泉的 スーパーホテル Lohas JR 奈良駅。 房間雖小， 但比東橫 inn 新淨舒服。
房間景觀很開揚。
飯前四處逛逛物色食店。 順道在旁邊的 Aeon VaLue Mall 逛街。 在 105 円店搜羅了一些杯杯碟碟。
晚飯近近哋在 Aeon value mall 對面白木屋三鷹大廈地下的魚民 private dinner 用膳。 最初同帶位雞同鴨講。 不過， 佢都好聰明， 話“漢字 OK？“， 當然 OK 啦。 但係佢寫完”大広間＞会席＞2 時間“ 其實我都明大概意思 （即坐大廳， 2 小時）， 我話 OK， 但係佢以為我唔明， 又講一大輪， 搞到我真係唔明。 肥仔用身體語言話入去睇， 不過佢又唔明， 最後我寫”參觀“....原來日文寫法係”参観“， 不過佢明， 帶肥仔入去睇， 其實即係大廳有數席進行聯歡。 嘈就嘈咗少少， 但係都 OK。 而且食到一半會席的人都離開了。 刺身盛合才 1342 円。 還試了馬刺身 （圖中瘀瘀黑黑的幾塊）， 味道冇咩特別。
沒有留言:
張貼留言