注意 ： 騙徒出沒 *0*

29 Sep 2014

這天傍晚突然好忙.....因為肥仔個 Line account 被黑客偷了。

幸好發現時他在我身旁。

我收到佢個 Line msg 跟老朋友收到的一樣.....最初我還以為他早上或之前發給我但延誤了至這個時候才收到，所以我問你今朝搵我呀？ 個 msg 依家先收到喎。 佢話我冇搵你呀......話口未完佢阿媽走出嚟問"你搵我呀？".....跟住就開始收到朋友、同事、客的電話， 家人的 msg。

我即刻跟相熟的朋友叫佢廣發告知肥仔 a/c 被偷了。 另一邊廂找細魔解決......

不過朋友們得悉騙子後即跟對方玩遊戲.....

各人開場白 ：
騙子 ： 你得唔得閑呀？
友 ： Ok
騙 ： 你付近有冇7-11 或者OK？
友 ： 有，想買咩？
騙 ： 可唔可以去7仔買4張1000面額嘅支付寶購物卡，我依家無辦法買，錢我聽日比返你 OK 嗎？

大魔王對話 ：
大 ： 可以
騙 ： 1 張 1300。 4 張 5200。 大概要幾耐
大 ： 我諗10-15分鐘可以
騙 ： OK.....
過咗一陣
騙 ： 買好未
大 ： 未呀！ 我唔夠錢， 要朋友燒落嚟俾我先可以買到.....等等


老朋友教另一位....
友 ： 買咗，比咗你老婆
騙係咁要求相
友 ： 話咗比晒你老婆啦，點影比你呀？！


另一位朋友.....
友 ： 又買嘢呀？ 買咩呀？
騙 ： 相機呀
友 ： 你上個禮拜先問我借完錢買嘢，你還咗先講啦。


同事....
同 ： 點解你打中文嘅？
騙 ： 係呀。 咁可唔可以買呀？

我個內容 ：

唔知係因為我重奪 a/c 踢走咗佢定係佢見事敗 delete 咗個 a/c。 約 45 分鐘後自動消失咗。

呢條騙子見我冇啋佢仲猖狂到打電話比我，我冇聽就打 line 比我。  我有啲朋友都係收到佢電話/line call。

好似我阿媽，差啲換埋褲落街買。  真係比佢激死。 我話要買幾時輪到你去丫......咁多後生唔搵搵你......所以大家小心。 尤其叮囑老人家。