於 city super 買入羊腩,用飯煲個蒸煮功能炆咗兩個鐘。 好腍呀! 肥仔話下次個半鐘好喇。 由於唔係好記得之前個食譜,所以只係記得用柱侯醬。 於是亂咁嚟落咗麵豉醬+月桂葉。 又估唔到 OK 喎。 唔係好大分別咋喎。
材料:
急凍羊腩
冬菇
薑
蒜頭
月桂葉
柱侯醬
麵豉醬
腐乳
冰糖
烹調步驟:
(1) 羊腩解凍後切件, 洗淨用薑、蔥和紹酒出水, 用凍水沖淨備用。
(2) 冬菇浸軟, 切去蒂留用, 浸菇水留用。
(3) 薑切片, 葱段(白色), 蒜頭去皮拍爛備用。
(4) 開鑊以中火加熱, 下油將薑片煎香後加入蔥段、 蒜頭炒香,再放入羊腩兜炒,贊紹酒。
(5) 下柱侯醬、麵豉醬爆香跟羊腩拌炒後倒入飯煲。 加入冬姑後再注入冬菇水和清水浸過所有材料, 下月桂葉和冰糖, 蓋上煲蓋選蒸煮功能,校時 2 小時後按開始。
享用時整煲上枱。 插上電源邊加熱邊加入唐生菜食。 正! 暖昱昱。
沒有留言:
張貼留言