上海 ～ 元世袓涮羊肉火鍋

天氣凍當然諗起打邊爐啦！ 不過我個貨櫃依然未到。 邊有爐烚吓烚吓呢！ 唯有出街食啦。  老馬朋友推介這間有優惠的靚靚特色店。

這店以涮羊肉為主打。 使用色彩繽紛的景泰藍鍋的鍋具。

 但這分店用上陶磁爐稍微失色。

環境一流。  由於繁忙時間經常滿座，所以訂位只限預訂五點半或八點半。  其他時間只可排隊輪候。

醬有個 counter 比食客自己出去混。 熱氣羊肉（即"手切羊肉"）不及機切招牌羊肉卷好味。  雪花肥牛麻麻，太鞋。 反而梅花豬肉卷唔錯。 百頁菜卷（即春卷咁嘅樣）都好味。 蛋角要嚟打邊爐？ 係呀。 不過我覺得一般啦。 後加還有魚餃、手工麵和黑木耳。

埋單 519 人仔。 但係我即時上大眾點評買優惠卷。 每張面值一百元的卷只要付 87 人仔。 而且可以累積使用。 一年有效。 所以實際消費了 454 人仔。

店內還有直接消售藍鍋。