零下 6 度的上海

昨天 1 月 24 日首次體驗零下 6 度的上海。 好鬼凍呀！！  但因為天氣好，所以無緣落雪，有點失望。  肥仔老是話我又唔係未見過雪.....成日都話想睇雪。  我話係未見過白蒙蒙嘅上海啫。

冒住嚴寒和肥仔走去吃羊肉燒烤。  好大風！  地上的積水都結了冰。  所以出門要一級裝備。 好似去北海道咁。  羽絨仲要打底著多件薄羽絨。  頸巾要圍到包面，如果唔係就要帶口罩。 年紀大了發現口罩在天氣冷的時候真係好有用。 面仔唔會被寒風吹到麻痺，氣管又唔會直接吸冷空氣。  除冷帽外，件羽絨都要有帽。  咁個後尾枕先唔會吹親。

皇太后在零下 6 度的天氣依舊將衣物和大門口的乾草地毯去清洗。  洗完放在露台上曬。  天啊！  零下 6 度呀！  有太陽都唔乾啦！ 水只會結霜或冰！   真係無語 >.<