今日係最後一天可以滑雪，所以定為小鬼速訓班 final exam！ 跟姑丈上山.....但係今早近酒店架 2 人 chairlift 停駛，我哋直接帶佢哋乘纜車上 2330 米的山頭。
然後在這條非常厚雪的綠色雪道加操。
小鬼跟住雪友太太滑下。
跟他在 sailer C train 了數次。 之後雪友和太太要十二點接仔，所以初學雪友人和仔仔就乘纜車返回山腳。 我們覺得小鬼的程度是可以跟我們由綠色落山。 於是一行人睇前睇後由雪友太太帶 Sailer C 的一段。 然後交回給我們因為他兩公婆趕住接仔。 我們跟他在 Speise C 再經 prince C 回酒店。
在 Speise C 因為好多 moguls。 佢跌咗兩、三次，我狠心要佢自己起身。 因為佢 record 唔好，成日求救。 所以只有其中一次幫過他。
落山後佢話好攰，唔再滑了！ 聽到好失望呀 （我變態），可能日日同佢都係由朝滑到晚。 突然佢話唔滑就好失望添。
午飯繼續在十勝餐廳。 飯後再問小鬼希望他改變主意.....噢～ 維持不變。 而初學雪友和仔仔 雪友的仔女下午休息。 所以小鬼跟著雪友的仔女和工人姐姐在房間玩。
而我們和雪友兩公婆上山滑。 細魔安頓好小鬼後也繼續上山練習。 滑到三點幾收檔。 細魔去接回小鬼。
小鬼滑到褲都爛埋就知佢付出幾多。 五歲人仔，又唔係大隻過人，同大人一樣，由朝扯到晚滑足咁多日。 而且富良野這兩天都好凍，又狂落雪。 天氣唔係咁好。 仲要落有波蘿啲雪道。 真係交足功課。
不過拎大奬之前我又再問佢滑雪要注意咩？
要注意安全、要小心。 仲要離遠人哋。 如果人哋跌親要避開啲嘢仔（其實即係啲 ski 之類），唔係你就㦸親跌親，會流血。 唔係呢你就要去醫院。 如果你去醫院嗰時呢就好肉痛嘅。 跟住大人做咩嘢你做咩嘢。 如果大人上你山呢你呢就要小心，唔好自己亂行。 如果淨係老師帶上山或者嗰度 practice 呢你就要聽住，如果老師話咩嘢就咩嘢。 如果我呢，我唔好去東去西（即係唔好人哋叫佢去東佢就去西）。 （跟住呢？ daddy 成日話你咩？）我唔乖，我唔聽話，我唔聽書，我成日唔聽老師話。 我仲呢，我仲會呢....我成日呢去東我唔會去西。 （咁唔要快要點？）唔要快，要慢，仲要安全。 保持距離。
咁努力又點可以唔比個終極大奬佢呢！ 不過呢隻小鬼被我反覆問他，答不對我就話要收回大奬。 於是幾次後，我一問，小鬼索性拎住個奬品話先比返我。 真係唔知好嬲定好笑。
今晚最後一夜聚首，為了讓小朋友可以飯後去玩滑雪胎，用餐提早在六點鐘。
席間大女孩用一雙筷子整成咁，主要是用一隻手指襟住其中一隻筷子，然後將另一支疊上去要唔跌／滑落嚟。 問邊個要挑戰，於是叫小鬼一試。 成功！
酒店另外有 set up 一個 family snow land。 這裡可以玩滑輪胎，又可以跣雪兜。 入場費如果冇記錯係每人 1000円。
小朋友排隊玩滑輪胎。
由於一直下著大雪，只靠小朋友重量不足以推動個輪胎。 所以每次要跟大人一起。
最痛苦係每次滑完要自己拖返個輪胎上去出發點交還。
這裡晚上九時關門。 所以小朋友爭取時間玩雪兜。
真係好大雪。 細魔已經成身都係。
小鬼身太輕跣唔郁。
大人都玩埋一份。
不過最後小鬼與藍衫哥哥不歡而散。 因為小鬼將雪掉入大哥哥的眼睛，哥哥還以顏色時佢就大喊。 驚動人家母親前來責備哥哥。 哥哥唔開心。 唔啋小鬼。
小鬼向他 say sorry 都無補於是。 所以小鬼邀請他到我們房間開 party 也被一口拒絕。 趁機我跟小鬼說你這樣頑皮令朋友仔生氣不要跟你玩了，你這樣就少了一個朋友了。 連 party 都不要來了。 下次不要這樣了。 不過 party 一事，其實我們沒打算讓他開，因為明天他們早機回東京。 我們又一大早出發，所以要回去收拾行李。
這次雪聚就這樣結束了 ～ 而且小鬼滑雪技術成績好好。 很滿意。
沒有留言:
張貼留言