去西湖前空姐太太挑了在解放路的一間麵店。 於是我們徒步過去。 順便看看四周。
又係老字號,人很多。 要自己搵位兼搭枱。 點了招牌招牌蝦爆鱔麵和片兒川。 鱔麵 48 人仔。 片兒川 13 人仔而已。 兩款都好好味。 仲可以食晒。 又唔會覺得油膩。
奎元馆 (解放路總店)
地址: 上城區 解放路154號 (近中山中路)
電話: 0571-87029012
差不多一點到了西湖。 只隨意沿湖邊附近逛。
另外去到這個花港觀魚,花就冇了。 但係鯉魚又幾莊觀又靚。 其他景色不一一作介紹了....看吧 ~
最後差不多三點左右在蘇堤結束。 截的士回酒店。 上車後的士大佬又跟我們聊。 講嘢陰聲細氣。 介紹佢老家係蠶農。 然後講到蠶寶寶就濤濤不絕。 佢知道空姐太太買了被後就話女仕們點可以缺少蠶絲枕頭。 因為佢話絲含有非常高蛋白質,直接接觸皮膚係最好。 雖然二千幾一個,但係佢話好過做 mask 喎。 仲話杭州人都去這家買。 還說依家做八五折中。 而且好近我哋酒店。 睇完走回去也不遠。 見他誠意拳拳,於是就讓他送我們去看看。 不過逛了個圈,興趣不大,所以沒有幫襯就走了。
行返去酒店取回寄存行李。 距離回上海高鐵班車還有兩小時。 而且從酒店到車站約 8 分鐘。 走去約廿分鐘。 所以決定再到大巷街上的 cafe 坐坐 hea 吓。
選了有三層的漫私塾。 地下層剛好有人食煙,所以就上了二樓。 空間不大,有數人在這裡作流動辦公室。 但大家討論也能保持安靜。 三樓話是自修室。 所以不對外開放。
五點左右出發。 點知截唔到車之餘仲見到好塞車。 勢色唔對,所以決定步行去車站。
好鬼趕呀! 原來起碼三十分鐘呀! 行到裙甩褲甩。 好彩都趕到。
就此告別杭州,下次見~
沒有留言:
張貼留言