北海道自駕遊 Day 1 ~ 札幌

21 Oct 2010

早上帶著肥仔老豆&阿姨乘坐九時許航班前往札幌。

這次旅行的起因源是因為肥仔從未跟佢老豆去旅行, 所以他決定要請他老豆&阿姨去一趟倆老從未到過日本。  其實, 這次的行程不會有太大驚喜, 畢竟是他倆老從未踏足過日本, 所以重覆的地點不少。

航班上有兩個魔童, 坐在飛機中排坐位, 小的約五、六歲, 大的約六、七歲。 由上機到落機唔係喊就係叫!  成日叫媽媽!  但係佢阿媽就坐隔離!  而父母都沒有制止他喧嘩、吵鬧。

落機後以為可以擺脫佢, 點知過海關時他們又被分派到我同一條隊!  那個小魔童一被放到地上就起勁的周圍走。 跟住繞住佢阿媽嚟走, 仲踢到我都唔講對唔住, 佢阿媽扮睇唔到。  個男人淨係識笑笑口叫個老婆抱住個仔。  但係佢兩個從來沒有打算糾正個仔。  後來佢一家排到隔離條隊。  我先叫有點安樂日子。  不過最離譜得過莫過於輪到佢哋過關嗰陣個魔童樹熊式攬住個老豆隻腳死都唔放, 最抵死係個老豆由得佢, 仲索性由得佢攬住, 佢就拖住隻腳行, 魔童被拖到趴喺個地下度父母都唔叫佢起身。 唉!  真係眼火爆。

今次旅程繼續租用日產 Stepwagon 7 人車 。  從機場取車直驅札幌。 車程約一小時。  是次下榻的酒店依然係 Toyoko Inn。

 by lx3

放下行李就步行到 JR Tower 的 T38 展望廳看夜景。  雖然這裡景觀比不上香港高樓大廈, 高度也只不過 173 公尺, 展望廳高度才 160 公尺, 不過比起電視塔的景觀更具可觀性, 所以值得推介。

晚飯原定到成吉思汗吃烤肉, 但看來大家都比較累, 所以索性留在 JR Tower 10/F 的食店街找吃便算了!

 by lx3

在食店街找到我倆經常幫襯的食店 ~ 牛角, 於是就決定讓倆老也品嚐一下這店。 要等位,  輪候超過一小時, 但係大家都食得滿足又開心。