29 Oct 2010
今早只喝了碗味噌湯、蛋塊和咖啡。 因為我們要到朝市品蟹。
朝市果然人多一點。 但鑽了一圈, 發覺賣即揀即煮的蟹店比 2005 年的少。
行O黎行去, 最後選了這店以我識的單字日文去問老闆可唔可以依家食。 佢話可以肥仔才挑蟹。
這隻 2.2kg 左右，開價一萬三千多日元。 肥仔問佢有冇 discount, 佢表示一萬一千日元，肥仔還價一萬即成。
隻蟹在送上刑場前給倆老作拍照道具。 老闆即刻叫"霎"蟹阿叔即煮, 之後去搬檯櫈出嚟。 執埋較剪、濕布、發泡膠碟等工具。
這店設有試食。
我們坐在街邊等吃。
煮起後, 老闆教我們剪開吃。
真係好甜。 兩老超滿足!
之後走回酒店取車向昆布館館出發。 這個館免費入場, 場館介紹昆布之歷史、 昆布與科學、昆布之生態、昆布與人。 另外場館有一個小型球型放影院。 直徑有 16 M。 不過, 我就真係唔識欣賞, 睇到我好頭暈。
最後當然會經過賣物場啦! 不過買唔買悉隨尊便。
去洞爺湖, 當然要去支笏洞爺國立公園內的昭和新山展望場欣賞一下火山景。
展望場上有一銅像 ~ 三松正夫。 他在成山初起時開始定期測量高度及紀錄成山過程。 後來他的成就被肯定了。
肥仔送了兩老入熊牧場參觀。 而我兩則在外邊走走。
離開後車子沿著湖邊駛過, 肥仔見夕陽打在湖邊的樹林上, 他知道我好想搵一個地方可以試吓影日落。 於是他和阿爸一看到可以側側膊將車停下的地方就馬上停車給我視察, 頭一次駛了上一個小山頭, 那裡有間空置的小屋。
小屋前被一大片叢林遮檔住了。
回到行車路, 但找不到一處能通去湖邊的路, 最後要手拉手、跣住腳去穿過叢林的小斜坡走到湖邊。
終於捕捉到這個美麗時刻。 不過, 我的拍攝技術始終未到家, 好似麻麻地。 不過比起以前笨到用自動對焦嚟對住個太陽已經有進步。
繞著湖邊走, 見到有兩隻天鵝走咗上岸食草。 佢哋唔係好怕人, 不過如果你伸手掂佢佢就會伸長條頸嚟"端"你。
之後按住 GPS 提供的景點多選了一個。 在山上的, 但天越來越黑, 那條路又好似冇咩人去, 為安全計, 還是放棄了。
是夜入住 ~ トーヤ温泉ホテル。 這是一間規模較小的溫泉酒店。 宿泊連二食付為每人 10800 円。
差不多六時才到達酒店, check in 後換過套浴衣已經要去吃晚飯了。
晚餐安排在另一客房間用餐, 見阿姐逐樣、逐樣搬進來真的被嚇倒一了!
主菜牛肉及蟹各兩套。 所以我們每對人吃牛及蟹各一套。 套餐內藍色蓋碗是茶碗蒸蛋。 刺身非常夸張! 有兩份! 即係每兩人一份! 沙律一大盆! 相片中的生果都有兩份。 仲有白飯任裝。
我哋就算唔食飯都食唔晒枱上所有的食物!
約八時許, 阿姐來收拾東西。 而我們則返回房間準備拍攝煙花。 這次是我用了單反那麼久第二次拍煙花。 沒有帶備黑咭, 用了茶杯托盤底來找替。
Set 好埋腳架之後就等待發放的一刻......點知, 一開始在另一邊發放.....我們的房間要探頭出窗外才可看到一點點.....心諗, 有冇搞錯呀! 明明訂房o既時候話要睇到煙花.....
於是, 那兩個男人又為我著急起來....阿爸走出房間, 發現走廊盡頭的窗門可以看到, 於是叫我搬竇, 但我發現窗打不開, 於是我又搬回房間去, 不久, 肥仔又走進來話窗已經幫我打開, 又幫我搬竇。
看了好一會兒發現放煙花的船會轉移到不同酒店前。 於是又沖沖搬回房間去。
但每拍一張後相機讀寫得很慢....他們都在我背後緊張起來....."又有o刺! 點解你部機咁慢o架!?"
後來我才發現因為我開的光圈太細了!
觀賞完煙花, 他們三個人先去浸溫泉, 我就等他們回來時才去。
註 : トーヤ温泉ホテル由於經營困難, 已於 2010 年 11 月 22 日結束營業。 沒想到寫罷遊誌酒店已經結束營業了。
沒有留言:
張貼留言