北海道自駕遊 Day 2 ~ 札幌

22 Oct 2010

是日早上先安排他們近距離看電視塔及大通公園。

再去時計台。  唔知係唔係旅遊季節已過, 以前成日都人山人海, 今次水靜河飛。  想點影都得。

再嚟舊北海道行政辦公室 (北海道廳舊本廳市)。  事前只叮囑肥仔陪他倆老入去參觀, 因為我已經去了很多次, 不想浪費金錢。  畢竟日元貴得要命。

不過原來係免入館費, 所以在外邊拍完照就入去跟他們一起走走。

午餐跟上次一樣, 去了味之時計台。  不過上次就人山人海, 多人到要坐 Bar 枱, 今次除咗班學生就沒有其他人了。  後來才多來了一、兩個客人。  帶子拉麵要 1500 日元。  阿爸點了辛辣拉麵, 這碗較為平宜。  約八百多日元。

午飯安排了倆老去狸小路去 shopping。  以前熱鬧的狸小路, 今天"靜英英"。  可能因為沒有創新的原因吧!  舖頭十年如一日。  我只在這裡的藥房買了少許藥品。  肥仔買了一條皮帶, 另外在記念品店買了匙扣而已。

這間大概是最搶鏡的一間。

這間店舖的商標, 大家會意會到咩呢?

狸小路已經唔能夠滿足我們的購買慾, 於是轉戰地下街。  找到了一對 1000 円的手套。  還有一間賣襪的店舖 ~ 靴下屋, 有我最想買的 leg warmer, 款式多又靚, 。  滿足了我。  另外, 找到了兩頂冷帽, 每頂 1050 円, 都算抵, 我同肥仔一人一頂。

之後帶他們去了 sapporo factory 參觀。  在這裡的硝子館買了一套雞雞硝子品。  肥仔比錢O個陣發現不遠處有一些布藝品, 任選三件才 1050 円, 所以選了化粧袋、散子包及電話袋。  其實係好耐以前肥仔阿媽曾經問我搵我O個電話袋, 因為我耐不耐會用, 所以冇比佢, 今次見到呢個都幾靚, 仲咁抵, 所以買個比佢。

走累了, 依舊坐在這個 shopping mall 內的 coffee shop 裡歇息。  大家閒話家常, 阿姨蠻擔心肥仔細佬離婚後感情生活, 又為他著急他的工作......做人父母真的很艱難。  個仔都成四十歲.....仲要為佢著急!

是夜晚餐肥仔選了一間壽司店 ~ 鮨処 なごやか亭 - 白石本通店 (Add : 白石區本通 6 丁目南 3-11; tel : 861-7575)

非常抵吃, 四個人才吃了五千幾円。  肥仔阿爸一向不愛吃冷冰冰的食品, 在這裡作了新嘗試, 而且仲食得好開心, 阿姨話這裡的壽司終於可以令阿爸接受, 而三文魚是她一向的最愛, 嚐了這一頓後, 看來她的最愛位置已被其他壽司取替了。