教主話想去超市、街市等, 主要想買些小吃回去做手信, 我自己則想到書店逛逛, 所以決住到附近的南京步行街走走, 希望會找到我們想要的。
步行街還提供了收費觀光車服務。
路經香港旅發局在上海搞的推銷活動 ~ 時尚香港 @ 上海。 問教主 "免費喎! 要唔要去轉個圈?" 佢話 "講香港, 有咩好睇"。 所以, 走o左。
步行街都有很多歐陸式建築物。
沈大成.....好多人排隊。 後來才知道這間是售賣上海傳統甜品的老字號。
隨著教主去手信店買她的心頭好。 除了買到了小吃做手信外, 還陪她買了些兩件含絲質的上衣。 不過我想找的書店卻走罷整條步行街也找不到。
漫無目的之際, 教主話想食點心, 走回頭路時她看到一間叫庸記, 哈哈, 睇清 D, 簡直離行離"辣"。 anyway,行埋去睇下, 原來係間客家菜館, 教主唔要....
行經這間店舖也非常多人在排隊, 原來係買鮮肉月餅。 雖然無食過, 但聽起嚟鮮肉月餅好似怪怪哋。
走回酒店的路上, 教主在另一地道食品店買半風乾臘肉。 跟在她背後發現她很可愛, 佢一於唔理人咁多不停用廣東話去同人又問、又講。 見到人家牛咁眼咁望住佢, 我即刻為她做翻譯。
回到酒店門口大街, 教主看到斜對面的小街有牛肉麵吃。 建議做午餐。 我當然沒有異議啦!
我倆都點了牛肉刀削麵, 牛肉只有那三塊。 另外教主話想吃這碟辣粉絲涼拌。
回酒店後都沒有再外出了, 主要沒有什麼地方想去, 另外教主要追看球賽。
沒有留言:
張貼留言