30 Oct 2010
打開窗, 可以看到大島。
由於房間沒有浴室, 所以一定要去大浴場梳洗。 既然去得, 點會唔浸埋溫泉丫。 內裡只有我一人, 正! 沖完就走去浸。 晚上太黑沒有試過露天溫泉, 所以走咗出去試試。 雖然好細, 但係都好舒服。 浸浸吓聽到隔離轉來熟悉的聲音。 叫吓"肥仔、肥仔".....原來真係佢喺隔離浸緊露天溫泉。 跟住相約好一齊離開.....點知, 我搞掂出去又見佢唔到, 等咗好耐都唔見, 於是又走返去房搵.....返房又唔見, 跟住又走返落去搵......落去等咗好耐又唔見.....又走返上去....點知阿爸話佢入電梯, 我出電梯.....簡直就係"捉依恩"咁。
早餐都係去另一間獨立房間吃。 好豐富!
最後一天住在洞爺湖是因為肥仔唔想由函館直走到機場。 車程太長了, 所以才決定以洞爺湖作中途站, 也讓倆老再享受一次溫泉樂。
check out 後帶他們到洞爺湖くるっと彫刻公園走走。 天氣太冷了, 鴨仔船都沒有人坐了。
遊覽船剛出發。
免費足湯。
足湯內的小龍很可愛。
離開向 Rera Chitose outlet Mall 出發! 而阿爸就係最後一次駕駛考試! 不過, 佢太緊張, 一開車就唔記得鬆手制! 哈哈!
去到 Outlet 梗係要博殺啦! 不過午餐肥仔都有為兩老花心思。 讓他們試了 rice burger @ Mos Burger。
在 outlet 買到了一些廚房用品, 鞋, 襪 1000円三對任揀, lesportsae, jacket。 最後衝刺買對鞋o果陣, 一入舖我已經話要試鞋, 肥仔驚訝我咁快就有心水。 我話比佢知其實我O係雜誌已經 target 咗, 不過嚟咁多日都見唔到。 返而呢間 shop 有, 梗係唔使諗就試啦!
我們只有三小時, 起初阿爸諗住死啦! 行三個鐘。 最後叫走O果陣佢話"吓....咁快三個鐘O刺?!"
之後, 我哋就去入油交車。 去到機場先再 pack 過行李。
十日行程就完滿結束了!
在機場, 阿姨又再次跟我道謝。 因為佢話阿爸近幾年身子差了, 生意個細仔又冇心接手....看著自己辛苦建立的事業慢慢走下坡, 心裡很不是味兒。 又難得我們願意帶他們出去走走。 這次旅行好似幫了阿爸充電。 佢哋真係好開心。
沒有留言:
張貼留言