是日是大師杯的決賽日, 也是我們在上海最後的一天。 看罷比賽就直接前往機場返港。
行李最令我們費心。 寄存在酒店就得提早回來取。 除了車資不化算外, 時間也是一個重要因素。 放在的士上又不知的士會跑到那裡。 至於會場並沒有寄存服務, 所有帶著行李去觀賽的人都只是將行李放在看台入口處。 但工作人員不會作紀錄, 也不會負責看守。 想來想去, 不如多留一天算了!
吃過早餐, 教主回房繼續睇重播。 而我則到酒店大堂問職員圖改機票, 但最後職員推話我邊個單位訂就要問番有關單位。 於是走過去叫Concerage 的小弟幫我問。 原來我哋張機票會改得。
佢同時建議我包車, 商務車 600 人仔, 大眾公司的士 550 人仔。 不過, 的士都係大架而且仲係好新O個種。 行李可以放在車上。 司機會由酒店接載到會場再由會場接載到機場。
經過最後跟教主匯報後, 決定大眾的士。
到了會場後。 教主走去售票處八掛門票鎖票情況, 旁邊有個女子走近她向她兜售門票, 教主又走去同人講一輪, 但係其實佢自己已經有票。
大會還搞了個小遊戲, 每位入場人仕都可以憑票獲取一本 passport, 每人要在指定時間內集齊印章可以換取球星咭一張。 這個責任就比教主。
等侯教主收集印花期間, 走到商場外看到大會安排小提琴流行曲表演。 點知教主話出嚟搵我唔到, 佢個費天王啱啱行過去。 似乎係去練波。 於是"拿拿林"同佢走過去。
果然!! 仲可以近距離睇! 仲正過比錢買票。
離開練習場前為粉絲們簽名。 可惜, 在我坐位的對面。 後來, 他也停在我那邊, 但教主唔夠後生嚟。 攝唔到位。
散場後路過另一練習場, 梅利在嬉戲, 沒有真正的練球。
教主拿著大會提供的打氣棒準備入場。 據教主經驗, 所有決賽都是由單打開始, 但上海的這一場卻由雙打開始。 後來司機告知因為雙打較少人觀看, 若將雙打放在最後可能場面變得冷清。
比賽在 1630HRS 開始。 開賽前, 教主抱著極大的希望。 唔知係唔係費天王知道我哋六點四十五分必須離場。 所以很快被梅利打低了。
完場後教主沖沖離開。 我問 "你唔係話要睇埋頒奬咩?" 佢話"都輸咗! 有咩好睇!".....哈哈....咁都得!
上車後, 車子直駛往機場。 到步後師父突然跟我說要加錢, 因為我們提早出發, 又廷遲離開, 但我話酒店沒有事先跟我說, 後來我問要加幾多, 佢個樣有 D 唔好意思, 然後話平時大概要收多一佰, 依家收五十啦。 其實, 我日早已經比多咗少少O係個信封裡面....唉, 算啦! 都係同包架商務車一樣啫。
上海之行就這樣結束了。
好攰.....可能話晒都一個人帶住個長者, 加上國內過馬路, 綠公仔都可以有車轉彎, 所以都要睇要佢實。
沒有留言:
張貼留言