跟公司教主約好到上海睇大師杯， 順道睇睇世博。
早上十一時多飛機。
到達後先到酒店 check in. 入房後教主即催促我上網看看今天賽程表。 剛好兩位頭號選手都分別在晚上六時和八時進行比賽。 所以我倆一致決定到現場觀看。
舉行地點在旗忠森林體育城體育場舉行。 按著網頁指示搭車。 乘坐地鐵由南京東站到人民廣場轉一號線到終點站莘庄再轉乘五號線到閔行開發站下車轉的士。 點知坐成廿二個站去到閔㣔開發站後問站務員， 佢話我哋應該坐到顓橋站落車轉專車。 這裡很難找正規的士。 但他說可以在前面的巴士站乘車， 再走一段路前往。
By ip4
他教我乘“馬橋1路”， 然後告知司機我要到網球場， 叮他到站後叫我下車。 下車時司機叮我只要往前走， 不要轉灣。 他很好人。 走了一點點， 他再打開車門叮我記住不要轉灣。 我以為好簡單。。。點知， 走呀走呀。。。都見唔到球場燈火。 等過馬路時問問身旁的男人， 他說還要走一公里。。。。。當堂暈得一陣陣。。。。最慘帶住教主。。。。唔係幾好意思搞到佢老人家要走咁多路。 沿路想截的士又截唔到。唉。。。路又靜、天又黑。。。。教主好驚。。。硬著頭皮係咁行。。。walk 到隻 dog 咁。
行咗成四十五分鐘先至見到一點署光。 場地停車場。 即刻安心點。
教主決定買人仔160元一張的票入場觀賽。 買票時阿姨不停叫我問係唔係呢個場呀？ 一張票係唔係睇晒兩場呀。。。。出嚟去邊度坐車呀！ 幫佢問完一大輪， 人家話你哋出嚟都冇晒公車。 跟住又叫我問地鐵幾點閂呀.....哎吔！ 唔理佢喇。 我話出到嚟先算啦！
入場前先到處逛逛。
教主話買點東西入場吃。 所以去到美食天地睇睇。
不過熱狗都成四十人仔。 不如殺碗35人仔嘅大排湯麵。 雖然唔好食， 但起碼食點熱食落肚仔。
先睇 R. Nadal 對 S. Wawrinka.
入坐率一般。
Nadal 贏了接受電視台訪問。
勝者可以派簽名波。
接著介紹費天王出場。
瑞士 R. Federer vs. 美國 J. Isner
一場精彩賽事。
勝者接受訪問。
派波仔。
回去要同你爭的士。 好唔好彩， 你行去邊就邊度冇車！ 等咗鬼咁耐先至搵到架車。 上車後跟師父聊天， 他得悉我們最後一天要觀賽， 又要趕去機場。 當然乘機搵生意啦。 我其實都冇問題。 因為佢話按錶收費。 而且， 佢係大眾的士。 我覺得 OK。 所以記咗佢電話話嗰日打比佢。
返到酒店， 好攰！ 教主瞓靠牆的一張床。 而我就瞓靠門口的一張。 但係成晚瞓唔著， 可能因為我個床頭啱啱比風吹正。 碌嚟碌去
沒有留言:
張貼留言