這是最後一天可以全天三個人走在一起。 所以決定無論如何都去尋找"那些年" ～ 踩單車。
要踩單車當然要叉電先。 brunch 去 Killiney Road 的 Nana Teh Tarik 食印度餐。
鬼婆要食 Roti Prata，我就最想飲 Teh Halia Tarik （薑汁拉茶）。 另外點了 tissue prata，羊肉咖哩湯，Mee Goreng （炒麵），咖哩飯。 羊肉湯太似咖哩汁。 如果撈飯就好。 當湯飲就好似杰咗少少。
Tissue prata 我鐘意。 好薄，而且甜甜哋。 Teh halia Tarik 唔使講，我最愛！
雖然落雨，但我們堅持到底到 east coast 踩單車！
租了架 3 人車。 一人控制，二人踩。
天公造美！ 開車不久雨即停止了。
第一輪鬼婆操控然後聯同日本婆一起踩。 第二輪我操控再聯同日本婆踩。 第三輪由日本婆操控再聯同鬼婆踩。 不要小看，我們足足踩了一小時。 其間有暗斜的路段蠻費力氣的。
廁所外巧遇貓咪 ＆盛開野菇。 貓咪見我走近就走來索摸。
一小時後我們返回現實。 徒步欣賞風景。
散散步，聊聊天。
口喝了，坐下來飲個椰青解渴。
傍晚慢慢走到海鮮餐廳。
原本選了珍寶。 但大排長龍。 所以去了隔壁的長堤。
點了藥材醉蝦、奶黃斯理蘭卡蟹 1kg（因為我怕胡椒蟹太辣），珊汁油條和聖子王。 食品 ok。 油條填入墨魚滑，但不彈牙又不脆。
晚餐後乘的士返酒店換衫去 raffles long bar drinks。
講起就一肚氣。 上車話比司機聽去 holiday inn express orchard road，佢死都話 orchard road 無 holiday inn express。 holiday inn express 得 clarke quay & Katong。 我話响 grand park orchard 後面，next to paragon。 佢死都話 orchard road 得一間 holiday inn。 而且有點唔客氣。 好！ 死老鬼。 唔同你拗。 我只係補多句我要去 paragon 旁邊的 holiday inn express。 心諗去到錯你就死！
一見佢轉去那晚跟人家 drinks 的地方就知錯梗。 真係去咗 holiday inn，我即刻火火哋...."i told u already not this holiday inn! it's holiday inn express!" 跟住摷張 hotel card 出嚟比佢睇。 跟住佢即刻轉晒語氣話你想去我車你去。 我真係想話係唔係去到有唔收我車錢先。 不過日本婆話算啦。 好近啫。 我哋自己行返去。
日本婆要比錢最後落車。 佢個老鬼問嗰邊有 holiday inn express 咩？ 你冇病呀！ 唔知你又大大聲！ 跟住兩個婆娘好慘，一路行一路比我𠵱𠵱哦哦。
返到酒店執執個樣，換件衫再出門。 乘巴士到 raffles place。
特意來 raffles long bar 試已有百年歷史的 singapore sling。
singapore sling 曾經在其他地方飲過，但超難飲。 因為好藥水味。 這個很不一樣。 味道好好。 但一杯並不平宜。 如果無記錯每杯收費 S28 （約港幣 155）。 真係好貴。 不過日本婆話聖誕禮物沒準備，所以這張單她埋。
環境較舊式，上曾有 live band，比較嘈。 但到來是為了杯 singapore sling。
飲完未夠喉，決定回去 orchard 的 wine connection 繼續。 不過人家已經打烊了。 所以就去了這裡路口的一間。
零晨十二點半，最後一杯！ 離開已經一點多了。 日本婆明早要上班。 我和鬼婆要返去執行李呢！
沒有留言:
張貼留言