早排發生太多事。 所以想 take a break。 順便帶埋老人家出去走走。
今次嘗試新組合,由阿姨、阿爸和額娘組成。 朋友聽罷覺得這組合好奇怪。 我就不妨跟他坦白。 老人家分別有肥仔老豆+阿姨,我額娘一人,肥仔阿媽一人。 如果每次要分開帶的話,每條路線我要走三轉,還要有放不完的假期。 最後也是最重要就是有印不完的銀紙。
如果要帶他們出門的話就只好合併。 但額娘又不喜歡併肥仔阿媽,因為嫌佢太煩。 所以唯有跟阿姨和阿爸併組。
試水溫先來東京 8 天團。
這個牛丼飯是 30 號零晨十二時左右的宵夜。
出發日是 29 號,在上海還是工作天,所以選了下午機。 老人家們在香港乘 cx 出發前往成田。 額娘晨咁早就去機場幫我狩獵。 而阿姨他兩就施施然到機場。
他們航班 1539hrs 出發。 約 2018hrs 到東京。 由於到步時間較夜,所以我哋第一晚就入住機場附近的酒店。
我們航班原定 1705hrs,但 delay 至 1833hrs 才出發。 遲了 46 分鐘才到步。 幸好沒有讓他們在機場等我們。
到了機場到 nippon car 取車,話明 24 小時營業先㨂佢,點知 counter 閂咗,於是就依合同上個地址乘接駁巴去到日航機場酒店,然後走約幾分鐘到 nippon rent a car 取車。 點知去到人家話這裡只係 for return car。 佢話機場個 counter 職員只係行開一陣。 講老實"棟"晒牌話 close,燈都熄埋,我點會唔諗佢係唔係閂咗呢!? 不過位叔叔都好好人。 即刻幫我哋 call 個同事,個同事直接送架車嚟。 但我仲懵盛盛。 因為我哋係租 mini van,我諗住係高身 7 人車。 點知嚟咗呢架七人車。 我問可以換嗎? 日本人嘅答案當然 NO 啦。 我諗死啦.....點算呀! 最後唯有 3 個老人家迫埋一齊坐中排。 後面留返擺行李。
好啦。 諗住終於可以去酒店。 點知就 miss 咗個口變相上了高速,仲要比錢。 兜兜轉轉終於在差不多十一點才到。
原本打算同大家打個招呼就休息。 但係原來佢哋係諗住同我哋出去食飯。 唯有不負眾望。 開車去附近一家 24 小時 すき家 成田東店 的牛丼家用餐。
飯後回到酒店才不多零晨一點左右了。
沒有留言:
張貼留言