8 Jan 2011
是日肥仔同事推介了 Megeve 給我們去滑雪。 他說我大概會喜歡這個地方。距離 geneva 約一小時車程。 比 chamonix 較近, 但係時間較長。
市中心的教堂, 對開有個小廣場。
廣場上有一棵掛了很鵝仔牌水晶的聖誕樹。 閃閃生輝。
去到旅遊中心詢問滑雪場資料。
這個鎮上有很多藝術品, 雕塑絕不馬夫。
取得資料後, 我們沿街走走。
路經滑雪場售票處, 去裝一裝先......下午場入場費要每人 27 歐羅, 但係考慮到剛到步時見有些山腳都係得少少雪, 而且是日非常溫暖, 所以怕滑雪場不夠雪。 還是先放棄。
選了這間吃 pizza & pasta。
估唔到個 pizza 落的芝士"騷騷"地, 但係好好味喎! 食完想再食。
吃飽飽後肥仔竟然想去剪頭髮喎.....因為 geneva 那間將佢當"大陸喱"咁剪, 將佢剪咗個平頭裝出嚟。 佢個新裝每次我見到都要慨嘆"無陰公"。 而公司附近最似樣又得O個間......星期六我哋又多數出咗去。
所以諗住嚟到法國去試試。
佢去剪頭, 我就自己繼續市內觀光。
在咨詢中心對開的小水池, 有兩位青年單車手在表演用尾轆跳上水池石碑最高處。
觀光馬車都集中停在教堂前。
咦! 收到肥仔 call, 佢剪完頭, 去返小廣場會面。 唉.......又要一句"無陰公"。
肥仔話剪出來髮碎掉進衫又掉進鞋, "吉"腳, 所以要除鞋整理整理。
搞掂後隨意逛逛就取車離開。 諗住在回程路上找吃。 先經過小鎮 ~ Combloux, 落車睇一個圈, 都係冇咩啱, 所以去下一站。
小鎮 ~ Sallanches, 又係睇完都唔啱。 肥仔都好唔想返 geneva 食, 所以繼續搵。
卒之搵到間食牛的, La Boucherie。 連牛肚都有。 好似食咗清湯腩和牛肚咁。 又幾好味喎!
9 Jan 2011
是日打算再到 megeve 滑雪, 但係天氣很差, 一直下著雨, 中午出門時都沒有轉晴, 雖然一直往這個方向走, 但途中曾想過取消到別的地方去。
但係感覺到肥仔依然好想去, 最後車都駛到 megeve。 去到佢問我想點, 我當然知佢想點啦! 所以照去滑雪囉!
不過, 這個滑雪場所謂初級的雪道對我來說一點都不初級, 所以我怕怕, 因為基本功實在未得。 最後我去了給超級初哥的雪道練習。 肥仔陪了我一會就膽粗粗去了那條雪道。
歸來的樣子成隻濕水鴨咁。 一來真係落好大雨、二來他說每滑一次最少碌兩次才滑到落去。 所以搞成咁。
落車換返衫去超市逛逛買了兩支 desert wine 就去晚飯。
晚飯又去返昨天午飯的餐廳。 五點幾就去吃飯, 所以六點幾已經可以打道回府休息、休息。
沒有留言:
張貼留言