滑雪 @ la Clusaz

16 Jan 2011

昨天將地點搞錯了, 今日再去過!!!

 by ip4

到步後老規矩, 先四處兜圈視察環境。  在山腰看到一個條雪道 ~ champ bleu, 看其斜度看似蠻可以接受的。  於是我倆停下來, 站在外圍看了一會兒。

這條雪道最好就係買次數, 滑一次收一次又或一次過買任幾次。  仲係一歐羅一次。  真係超抵。  所以決定在這兒落腳。

返去車換好鞋, 抬埋"架撐", 膽粗粗出發。

其實我自己都幾驚, 因為好似覺得都幾高。

使用拖拉器時, 肥仔先行, 但係佢誤會了個終點, 早了放手, 被卡住了, 點知我跟住又以為那處是終點, 加上佢卡在那兒搞到我唔知點算好, 在小斜坡上放了拖拉器.......這樣....當然逃不了 "pk" 的下場啦!!!

出師不利搞到我上到高位後望落去仲驚。  我呢類冇咩運動細胞的人, 還要手、腳同個腦唔協調的.....點算好呢!?  個心仔真係喺度噗噗跳.........猶豫了好一會.......肥仔不停安撫我......但係上來後點都要靠自己返落去......一係就碌落去、 一係就滑落去。

跟住見小女孩隨著導師慢慢滑下我先有返少少信心。   頂硬上, 死就死啦!。

成功了!!!    沒有跌倒!!!  之後滑了兩次都成功, 不過每次上到高位都幾驚, 所以餘下來的次數留了給肥仔......佢不知滑得幾開心, 仲越滑越好。

anyway, 待我用時間去慢慢接受吧!

肥仔今日對雪靴好似好一點, 沒有老是叫痛。

 by lx3

離開雪場後肥仔駛上山上想讓我找到一個好位置拍雪山景.....不過沿路觀察景觀都有所遮檔, 所以, 叫他求其找個位置停下來算了。  最後停在 route de plattuy 的一角。

 by lx3

下山途中看到這兒很熱鬧, 食肆都很多人, 可能天氣好又不冷。  很多人坐在露天位置。

 by lx3

所以我們也選了這一間坐在外邊用膳來湊熱鬧。

 by lx3

侍仔大整估.....肥仔明明叫半瓶酒, 點知佢嚟一瓶, 他開瓶時我倆還以為他開完後倒一半入個醒酒器內....但係原來唔係, 佢真係當我們點了一瓶.....算啦!  但係最慘係我們還點了一瓶一公升的水。  用餐完畢後老外都喜歡甜品或咖啡, 甜品真係食唔落, 那就要咖啡啦!  今次真係飲到成肚水!

我個麵配煎蝦碌真係好好味......個麵好似香港炒麵咁味道, 配上用蝦膏汁煎過的蝦碌真係好好味!  反而肥仔個 pizza 沒什麼特別.....他品嚐過我的蝦麵後都讚不絕口, 於是我倆細食怪先主攻蝦麵, 然後 pizza。

 by lx3

雪山附近的小鎮那些購物街給我好有日本溫泉街的感覺。

 by lx3

在這裡肥仔成功買到了他的 Goggles, 49 歐羅而已。

他買 goggles 比正常的難, 而且較貴, 原因是他要找一款可以讓他容納到他的近視眼鏡。

 by lx3

用 11 歐羅買了這個牛噹噹, 搖響時就好似感覺到牛隻在草原上悠閒地吃草。

 by lx3

最後在市中心走走。  五點鐘離開.....但係好鬼塞車呀!!!