滑雪 @ combloux

再次來到這兒, 真真正正展開滑雪日。

 by ip4

肥仔陪我先去學習雪道 ~ Brons 練習練習。  有這樣的美景陪伴, 練都練得開心啲。  雪道很不錯!  我可以嚐試吓用雙腳平衡來煞停。

練習才發覺自己用左腳停較右腳有力。  肥仔很耐心地陪我練習到信心增加到一定程度才到另一條容易的雪道。

 by ip4

昨日視察過的雪道 ~ marmottons。  一試之後很不錯。  只是滑下後要用速度衝上拖拉吊車的小斜坡有點吃力。  一時間有人站在那兒、一時間又有個小女孩瞓在接近小斜坡的位置。  衝不上就要花上千斤氣力一步一步打側行上去, 角度調得不好又跣返落去.....好攰.....

 by ip4

兩點半去午餐。  坐在露天享受燦爛陽光, 但係燦爛陽光過後又冷起來, 所以還是要求入搬到室內進餐。

味道很不錯, 尤其湖內的魚。

用膳後又返回 marmottons 雪道繼續暢玩。  但係兩次後就出事了!  腳唔夠力、 速度太快而令我失去平衡, pad pad 先著地, 跟往點碌冬瓜連我自己都唔記得, 斷晒片。  碌完之後坐在雪地上將 ski 脫掉。  有位老外停在身旁問我有冇事, 我答 i'm ok 佢才離開。  幾好人 ^.^

滑到落去好開心因為夠速度衝上去吊車口附近, 只係自己行多兩步就可以到入口, 點知肥仔失驚無神由後面衝埋嚟, 仲要拉埋我向後退, 搞到差點兒跌倒, 最後都比我撐得住冇跌低, 但係我由最高跣返去最低。  唉......好攰呀!!  唔滑o刺!!!  於是坐埋一邊等肥仔滑多兩個 round 才回家。