微波爐薑汁撞奶 (^o^)

之前响牛奶國成日整。 不過回港後大多東西吸引， 成日想整吓呢樣， 煮吓嗰樣。 不過， 整薑米肉碎炒飯時只要薑米， 薑汁少少就夠， 所以剩餘的薑汁就要嚟撞奶。


材料
薑汁1湯匙
鮮奶200毫升
糖1茶匙



做法
1）磨薑榨薑汁後取一至一羮半湯匙倒入杯待用。
2）奶倒入另一隻杯放入微波爐以自動感應翻熱 50 度叮 （如果沒有這項功能可以用中火叮一分四十左右）。
3）奶取出加入一茶匙糖攪一攪, 再將剛才的薑汁用另一匙羮攪一攪, 然後即刻將奶撞入 (注 : 撞入奶時, 裝奶杯要跟裝薑汁杯要最少有一隻咖啡杯高度距離)。
4）加蓋限置最少三分鐘以上。