StaUB ~ 無水烚／蒸生菜？！

今晚見肥仔阿媽早兩日鹵咗啲豬手响度。  見肥仔出咗差， 諗住烚啲生菜墊底。  不過， 身痕， 又想試吓用個 staub 蜂巢鍋無水蒸菜。

其實唔係完全無水， 只係浸完撈上嚟 "Fing" 兩下就鋪入鍋底。  加蓋， 大火兩分鐘， 熄火焗 1 分鐘。  開蓋色水都好靚。  不過唔記得影張相就放咗豬手上去。

真係超方便。 慳水又慳火....但係就唔慳力囉。