新玩具の家用 RF 射頻機 ～ TriPoLLaR STOP

依家唔去美容院就多咗留心家用美容機。  今次敗了部 RF 機。 好貴呀！  用 AeON 咭都要 3588 呀。 不過有免息分期。

賣點是可以喚醒膠原蛋白自我增生。 有效對抗皺紋、細紋、皮膚鬆弛、暗啞、乾燥缺水等問題。  其實見網友推介 Oregon Scientific， 可以做面兼減肥。 但我見唔係好多用評。 反而呢部就有少少。 見到用家“碌”完塊面都尖咗。  好吸引呀！

一套包括主機及兩盒 GEL。 一盒係 preparation gel， 要用佢嚟做導入。  另一樽係做完機嘅 cream。

preparation gel 搽上面後會有暖暖哋感覺。 不過就好“立痴痴”。

我個人程序 ：
1）先用 bioderma 倒在棉花上整臉抺一次。 再用 Runve 做導出進行 5 分鐘清潔。
2）接著用洗面膏洗面。
3）抺乾面上水份後我就薄薄的塗一層 preparation gel， 然後開機， 一開始我就用 Medium。 不過响手打圈好耐先由綠燈轉橙燈。
4）按說明書開始在面上進行療程。
5）完成後將殘留的 gel 抺掉再以清水沖洗。
6）然後再塗上跟機會 after treatment cream。

因為好多人話做完 RF 會好乾， 所以晚上我就敷張保濕 mask。 其實下次我會試吓晚上用 B5 做導入。

好多人最關心有冇效， 做完第一次係覺得 firm 咗， 唔知係唔係推得多去咗水腫。 另外自己覺得毛孔收咗， 白淨咗。  希望 keep 住做有更好效果。