飯局遲大到 (*´>д<)

這天相片雖少，但行程相當緊湊。

一早 1130 要去打面。 整完都已經一點半。  跟住要去換英鎊。 原本空姐太太推介重慶大廈的堅成，但手頭未有 cash。 所以一路行一路搵 ATM，點知已經走到了渣打。 見牌價差唔多就直接响銀行兌換了。

換完錢又"拿拿林"趕去山林道上插花堂。  連早餐都未食，所以經過 starbucks 買份sandwich ＋杯 latte。

幸好到了學校校長剛走開了。 所以有時間用餐。

連上兩堂，但係太耐冇插，手腳慢。  差不多五點半才離開。  大汗叠細汗捧住啲花走到地鐵。 見恒生仲未 close，又排隊去 activate 番我個 online transfer 個 function。 返到酒店搞完調房手續後即刻洗個頭。  因為打面嗰陣搞到個頭塌晒。

六點半拎埋呢札花去飯聚，借花敬佛送給當中因為我的 schedule 而令他推掉老婆和朋友聚會的男同事。  去到 timesquare 等的士，等咗十分鐘，最初都有的士陸陸續續駛入，但慢慢就沒有了。 約人七點鐘......即刻 call 車。

1906hrs 上了車去鴨巴甸的元創坊 Isono Eatery & Bar。  勁塞！  差不多要到的時候竟然有架的士死火在嘉咸街。 司機告知如果我走去約 5 分鐘左右。 所以我唯有落車自己行。  卒之遲大到之餘搞到成身大汗。

今晚傾傾講講又到十一點幾了！