BoSCH 廚師機 MuM5 ～ 打出傳說中的薄膜麵團

好掛住我部新玩具呀！  呢排一直要出門，連同佢傾吓計嘅時間都冇。 經過三次同佢徹底溝通後，佢開始聽話鳥。  打出傳說中可拉出薄膜的麵團。  所以是有史以來最軟熟的一盆包。  不過，我覺得仍有進步空間。

今次依然用扒房餐包仔食譜。 直接用勾打。  但除了牛油外，先將其他材料用低速（1 度）混合，然後才下牛油。  再以中速（2 度）拌成團後才轉高速（3 度）打至見膜。 我今次見麵團好似唔係好夠潤滑時再另加 10 ml 奶。

由於碰上星期六、日陪肥仔時間，唔可以一氣呵成。 所以星期六打完麵團後直接入雪櫃普通格改用低溫發酵。  這是剛搓好的麵團。

據書講可以發 24 - 72 小時。

發酵後從雪櫃取出放置室溫中回温。 夏天約 30 分鐘。  冬天約 60 分鐘。

回温後繼續一般程序。 排氣、分割、鬆弛和造型。