31 Jul - 5 Aug 2015
由歐洲回上海三天後又轉戰了東京。
是次旅行是細魔找到平機票發起。 順便帶佢外母大人＋佢（我）阿媽去。
但點都要簡略記一下......
Day 1 ～ 上野
細魔從香港出發，31 號零晨抵步。 先入住機場附近酒店。 上午才入市區。 酒店訂了大塚的東橫 inn。 我和我阿娘同房。 愛妻號同佢阿娘同房。 細魔就同佢隻小魔怪同房。
我中午到步後自行到酒店。 差 15 分鐘可以上房，所以就等夠鐘上房略為收拾行裝再出門。
他們第一個行程到上野動物園。
去上野回合佢哋。 3 個女人見我嚟好似救星到。 因為行動物園超熱，大汗疊細汗。 這時候4 個女人行商場。 留低細魔同小鬼自己在動物園大作戰。 我阿娘响商場買到衫即刻到廁所將件濕透嘅衫換走。
黃昏時份細魔帶我們到手信街。
他推介這家店。 又確實好鬼多選擇。 又唔貴。
小鬼攰到瞓咗。
晚餐他們決定在酒店車站附近找。 選了這家。 自己買票。 而且枱型可以一齊坐。 所以我和阿娘自己坐一枱。
晚上小鬼在房間開 party。
還選了一個要我帶回給姑丈。
Day 2 ～ 築地、台場
今早細魔安排到築地吃早餐。 小鬼出發前食少少＋電視撈飯。
築地依舊人山人海。
逛完細魔選了這家。
好豐富。
呢隻小鬼表情都豐富過人。
去台場車上小鬼扭鬼要坐，其實佢應該係扭糖食。 但成車迫滿人。 跟住又話好凍。 架車得少少冷氣，熱咩！ 我話淨係識嘈，你比個解決方案我吖。 佢即答我"比件衫我著囉！"。 真係比佢吹.....
細魔落錯車，所以先到最近的 Venus Fort。 大暑天時，光禿禿曬住行。 見到有冷氣嘅商場真係好開心。 簡直係沙漠中的綠洲。 這商場好似澳門威尼斯。
二話不說購物行動展開！
其間細魔帶了小鬼到 legoland 玩。
商場剛剛有花展進行中。 當然去欣賞一下。
在商場三樓孖人 outlet 見到 17cm 豬仔 staub，減至 17500 yen。 覺得好鬼可愛。 所以又托咗個返嚟。 我這個 10 元人仔可摺合的收納背包發揮了作用，除了豬煲因為有盒放唔入之外，其他所有戰利品都塞進去。 仲好貼背。 唔會覺得錘住。
小休小吃。
晚餐在 3 樓選了吃廣島燒的店。
Day 3 ～ 三井 outlet
是日到 outlet 大作戰。
細魔為大戰準備。
我阿媽係上等人。 拎部車仔都"骨"子過人。 但係佢部車仔唔係得個睇字。 吞吐量也不弱。
其間小鬼話要玩跳彈床。 最初蠻擔心他冇膽，估唔到又 OK 喎。 仲要大叫 "I'm ironman！" 搞到啲途人都笑。 之後哥哥見佢咁興奮，於是又將佢彈高啲。 幾驚佢喊。 但係又冇事喎。 落嚟仲話好好玩。
午餐當然 outlet food mall 啦。
晚餐回到了新宿三丁目附近。 原打算 しゃぶしゃぶ，但路經一家燒肉店"叙々苑"時細魔想起有網友高度評價這店。 於是改變主意。
只係最初我們以為是日本燒肉，見到有 kimchi 餅點才知這是韓式燒肉。 不過確實好好味。 肉質鮮嫩又入味。 服務仲好好。
住所：東京都新宿区西新宿3-20-2 東京オペラシティビル53F
TEL：03-5353-0089
営業時間： 平 日 11:30～22:45
日・祝日 11:30～22:45
Day 4 ～ Disneyland or 池袋
是日兵分兩路。 細魔家去了廸廸尼。
我就領著兩老到池袋。 主要是幫愛妻號哥找單車保護頭罩。 而我就去哈密瓜碰運氣。 哥哥的找到了。 而哈蜜瓜正舖在裝修。 臨時舖的東西不吸引。 看到了一個 clutch 約兩萬多港元，但黑色。 所以沒有入手。
午餐在西武內的餐廳用膳。 之後在附近一帶閒逛。 累了走進咖啡店歇歇。 晚上auntie 可能太累，有點不適沒有胃口用餐，而我和阿娘都因午餐＋下午茶餐還沒消化所以決定 skip 晚餐。 臨走前讓 auntie 在超市買了點麵包回去看門口。
我們這組約八時左右就回到酒店休息。 而細魔一家大概很晚才回來。
Day 5 ～ Disneyland or 新宿
是日繼續兵分兩路。 不過今日去廸廸尼只有兩父子。 auntie 交回給愛妻號照顧。
今日決定到新宿逛。 除了去 H 店外，主要是阿娘要去 tokyu hands。 另外也逛逛地下街。
高島屋和伊勢丹兩店都沒有我心儀我袋。 但有 bow tie 仔。 但款式和貨量也不多。 入手了 bow tie、 twilly和方巾。 但係伊勢單的哈蜜瓜忘了搞退稅。 幸好買的東西不算多，只是虧了數百元。
午餐相約愛妻號兩人在高島屋的餐廳吃。
是晚細魔到新宿跟我們會合。 他選了旅遊書上的 "モーモーパラダイス" 食 しゃぶしゃぶ 放題。 我們貪輕鬆選了 120 分鐘放題的價格。 由於香港旅遊書推介的店，前、後、左、右都係香港人呀！
不過店面大，環境不錯。 不用等位。
Day 6 ～ 分道揚鑣
不經不覺又係時候說再見了。 我的航班約下午二時。 check out 後我就直接去機場， 因為擔心自己一個"倫倫拙拙"，加上現在坐東航，未達標有 priority check。 要預留多點時間排隊和搞退稅。
而他們乘搭晚上航班返港。 日間去了晴空塔。
去了日本搞了咁多次退稅，淨係知每次都係過海關時海關將夾住啲單據拎走。 都唔知去邊度搞。 今次終於搞明白了。 羽田機場係過咗 security check 之後，before 過 custom 之前，中間有個 "custom 關稅"。 將 passport 交給官員讓他把夾在裡面的申報單收掉。 原來關稅哥哥話呢度係冇 tax refund。 佢解釋係因為你比錢嗰陣已經冇收你稅項。 這裡只係收回那些給你免稅商店的單據作報銷。 唔怪得知次次都糊裡糊塗地搞掂咗。
是次 pocket wifi 依舊在上海租。 細魔要我多租一個給愛妻號，因為實在平。 兩個因為不同時候下單，所以分了兩間公司租。 分別為 76 和 81 人仔任用。
沒有留言:
張貼留言