空姐太太到來，又係出動食的時候。 她問我有咩好 idea。 其實我真係冇。 但係十次九次都係佢都唔係幾好意思。 所以"啲"起心肝上"點評"搵。
搵咗兩間。 一間係科學會堂中餐廳～艾菲爾廳食本幫菜。 另一間就係這間成隆行蟹王府。
但係科學會堂個團購要預早一天預訂。 而蟹王府同樣要一天前預約，但有商量。 即日團購套餐內的二両蟹加 90 人仔變三両。
於是又搵了間食齋 buffet。 最後空姐太太話對齋無興趣。 所以拍板食蟹。 這家裝修整潔大體。 還有古樂表演。 我們被安排在半開放的包間。
泡熱黃酒個器皿還要好特別。 一人一壺。 除了酒不在套之內。 其他冷盆、菜式、甜品和水果每人一份。 每位 198 人仔（二両蟹）， 288 人仔三両蟹。
套餐頭盆冷菜三小碟。 海蜇絲、香茜木耳、本幫蟹苖。 蟹苖少少甜少少鹹，好脆，好香口。一隻隻完完整整。 好少甩頭甩腳。
清蒸六月黃三両。 專人拆蟹、起肉，還是第一次有這樣的服務。 超正！
蟹粉酿鷄翼。 好多料。 收口位很隱蔽。
蟹粉珍珠球。 珍珠其實係冬瓜。 很足料。
焗蟹斗。 加少少牙力，個蟹斗都比我"𡁻"埋。 平時食過的蟹斗很多時都係粉、芝士多過料。 這個卻填滿了蟹肉料。
蟹粉豆腐。 豆腐又滑又香。
清炒時蔬。
蟹粉撈飯或蟹粉担担麵二選一。 我選了撈飯。
蟹粉小籠包。
甜品紫米露。 生果盆就 share。
整個套餐共十款。 全部足料。
絕對抵食推介。
成隆行蟹王府（淮海店）
瀋陽路 1 號淮海國際廣場裙樓 3 樓 （近淮海路）
tel : 21-64670999
沒有留言:
張貼留言