for 肥仔阿媽 mOthER's Day CAkE

在聖安娜選了一款同愛妻號買給父親做生日的蛋糕款給她。

其實朝早時和她跟肥仔細佬一家去飲茶後大家都弄得有點不愉快。 下午送她返家後和肥仔逛街時， 我問肥仔要不要買花送給她。 肥仔說不用。 後來他手上有張聖安娜禮卷打算去換餅， 我話不如補些錢換個蛋糕氹吓佢啦。  所以將計就計送了給她讓她降火。

其實不愉快係她咎由自取。 話說飲茶其間肥仔告知細佬飛機上的私人影院所播放的片不太舊。 大多播放的片子都很新。 可能只是剛落畫數月。 後來談及寒戰一戲， 肥仔阿媽話這套戲在她做手術前（去年九月）已經看了。   但肥仔覺得應該沒那麼久的。 但她老媽老是說沒可能， 她手術後都沒有上街。 何來去睇過？  於是肥仔細佬馬上上網一查。 寒戰上晝日期是 2012 年 11 月 8 日。 我們表示她記錯。 但她死話不可能。 哈哈。 佢阿媽就係咁， 明明錯都話自己無錯。 無理由人家會為佢提早上晝呱？！  這一談她已經不悅， 覺得我們老是針對她。 其實我們上網找是想還她清白， 但十居其九反而係證明她錯。

送她回家時， 每過一次西隧佢就問幾錢。 我話阿媽你問過好多次喇。 其實我哋成日 autopay 邊記後幾錢。 次次佢問， 我哋就上網搵完答咗佢， 佢下次又問。 肥仔話“阿媽你又唔揸車， 你成日問嚟仲咩？”  佢答“我想知”， 跟住肥仔話知嚟仲咩？  肥仔跟住問咁巴士有幾多個“轆”丫？  跟住佢開始數話我哋成日唔答佢， 話好簡單問我哋朗豪坊正門响邊條街， 咩街名我哋都話唔知。 大佬呀！  我鬼知朗豪坊正門响邊條街啫！  好多時去到先搵嘅啫。 佢話有次個遊客問佢， 佢唔識。 我話阿媽你叫佢問詢問處咪得囉。  唔知有幾奇！   就係咁又搞到大家都唔開心。 成日問埋啲無聊問題。 唔怪得肥仔細佬個仔細細個已經話“嫲嫲講嘢好無聊”。

老實講， 真係成日比佢激到“啤啤聲”。 佢既然知道人哋成日唔答佢， 咁就醒啲唔好問啦。 係都唔識趣， 係咪自己搵嚟丫。