BoSCH 廚師機 MuM5 ～ 豬肉佬開工

啲人成日講話响街市買肉碎有幾污糟，於是又多個籍口比自己話呢部廚師機有幾好、有幾抵。

在超市買了一舊連皮帶皮下脂肪的豬肉試機。 純粹覺得可以做半肥瘦肉碎。  返嚟洗淨用廚紙吸乾水份就去皮切件。厚度約 1 cm。  我係每件肉都帶脂肪。

工作進行中。  開機我用 6 度攪。 到最後見差唔多無嘢出我就改用七度將佢最後啲肉有幾多逼幾多出嚟。

真係好掂。 成品可比美超市和街市即攪肉碎。

拆開淨返少少。 下次可以塞舊肥豬肉落去等佢推埋最尾啲肉碎出嚟。 咁就一啲都唔嘥啦 \^0^/

個豬肉佬裝上機身後個樣幾 pro！

安裝方法都好簡單。 只要將打蛋個機頭拍抵，轉頭向後就可以裝上豬肉佬配件。 配件中個黃色膠組件的兩個牙仔對準插入轉頭兩個窿窿裡。

逆時針上實後將豬肉佬個安全鎖拍下即可。

用後拆開用熱水清洗也很方便。 暫時未知會唔會生銹。 但我相信洗完即抺乾就唔會有機會生銹了。  另外有網友在 sogo counter 問過，建議將窿窿片兩面搽/噴少許油就可以了。