反沙芋頭

肥仔阿媽買完 expect 我整， 但係我見冇可配搭的食材，加上我同肥仔基本上都會買咗成個星期餸， 所以就由得佢。  最麻煩係佢阿媽一出街又話見新鮮買咗嘜、買咗物。  要我先用那些食材。  唉！ 但係我哋又鬼咁細食， 所以堆吓堆吓就好多。 有時諗住煮多樣清走啲，佢又話 "咁多呀？"。   真係神又佢、鬼又佢。

芋頭一直冇煮係因為佢個腸胃唔舒服咗成個星期。 肥仔出完差又話個胃唔舒服，所以我就由得佢放响雪櫃。



昨午佢突然問我今晚煮咩？ 我都知佢一定係想話雪櫃有嘜有物。 所以我話"你有咩意見？"。 哈哈！ 真係不出我所料...."冇.....我見個芋頭我買咗好耐，睇吓你想幾時整。"

開到聲，唯有上網搵。 硬著頭皮整反沙芋頭.....因為呢個餸佢最耍家，所以我一定要成功。  免得佢囉囉唆唆。

大概了解過做法後我將弄糖漿步驟跟煮焦糖的前步驟來膽粗粗整。

材料 ：
芋頭
糖 約 80G
水 2 茶匙

做法 ：
1) 芋頭切件用油炸至金黃色 （我用 stuab 煎至金黃色）。
2) 取另一鍋，放入砂糖和水，開火加熱。 待糖開始溶化成透明狀後捯入芋頭快手攪拌。  直至芋頭表面黏上糖漿即成。