STaUB ~ 木耳炒豬肝

之前肥仔阿媽又身痕走去浸咗一堆木耳諗住要我整。 但係我對木耳毫無頭緒， 所以將佢放返入雪櫃。

昨日終於“啲”起心肝上網搵食譜。 before 佢提我擺咗幾耐幾耐煮鬼咗佢。

原食譜有加冬菇， 不過冇睇清楚， 所以冇浸就冇加。


食譜來源 ： OV blog

材料
水發木耳
豬肝
薑絲

調味汁
豉油、糖、鹽、豆粉、水拌勻
紹酒

做法
1）先將黑木耳用浸泡發後洗淨。
2）將豬肝洗淨及切薄片， 然後浸於清水中， 其間不斷換水至沒有血水滲出為佳。
3）燒一煲開水， 將豬肝放入輕勺撈起過冷河瀝乾備用。
4）燒熱 staub 下油， 爆香薑絲， 再下豬肝片炒至豬肝熟透後起鑊。
5）再將黑木耳大火炒熟，把豬肝加入鍋中下調味再加少許紹酒翻炒片刻即成。

我在最後翻炒步驟炒耐了， 所以豬肝有點硬和“鞋”口。  但成個餸真係幾好味。