一早見新聞到話大概下午兩點改 3 號風球，所以我就拿拿林準備，十點半細魔趁未返工送我出機場。
點知去到機場問，佢話我無 standby 紙。 我死守圍欄口。 有位強國阿姨同我講原來人家擒日响機場排隊攞紙。 填完排次序。
我就响候機室比人帶返出嚟之後就無人講我知可以或要去排隊填張 standby 紙。 嚟到先知要填。 如果真係要咁先有位我唔介意配合。 因為我第二朝一早 book 好晒搬屋公司嚟搬屋。 我都急到死。 點會唔排。
嚟到就話係我無紙，咁我話你要紙，你依家比張紙我填吖。 又唔比。 後來佢終於比我入去填咗張紙，又叫我出去等。 一出去，強國阿姨話啱啱有個女仔搵上海啲乘客喎。 於是我又即刻去搵返嗰個女仔。 佢帶我去咗櫃枱辦手續。
點知整咗好耐都話電腦入唔到我資料。 我話，你去第二部機試吓啦。 因為我怕佢試得幾試個位冇埋。 佢走去第二部機試又唔得。 跟住返去自己部機，突然再睇話我張紙係要十二點半先返嚟 check in 㗎喎。
我真係著火。 我話有冇搞錯，擒日我一早就 check 埋 in 响候機室，最後你 cancel 咗我問極你啲職員都無話我知要做咩。
我已經急到死依家話我唔跟次序，仲講到好似我博懵咁。 真係火都起埋。 見個地勤做唔到。 剛好有位較高級嘅哥仔經過，我捉住佢講擒日同剛才嘅情況， 我話依家係你哋無比清晰指示個乘客要做咩。 唔係我無去做。 唔好將啲責任推去我身上。 於是佢就走埋去個機到 unlock 返我啲資料等個地勤再入過。
講真，你估香港第一次打風飛唔到呀？！ 候機室個 service center 啲地勤點會唔知要個客做咩？！ 淨係識叫我打 hotline。
真係唔發爛渣都攞唔返個機位。 機上因同一對母女媽媽調位才遇上櫃枱前做後補機位的男乘客。 他是 vip，所以好容易就取得機位。 終於可以返到上海。 但人到竟然行李無到。 真係禍不單行。 又要去櫃枱攪一輪手續才回家。
回家又到展開搬屋新一頁。
沒有留言:
張貼留言