細魔 9 月 5 日通知話 9 月 6 日會途經上海去其他地方出差,所以順道帶埋支慢煮神棍比我。 咁啱皇太后因為要返汕頭搞咩退休金所以 7 號晚才回上海。
6 號晚細魔到家已經很晚。 所以只可以大家促膝談天。 難得皇太后不在家,加上班機 delay,可以兩姊弟撐枱腳。 咁千載難逄的機會,做家姐都無咩機會煮過比佢食,當然親自下廚啦!
用慢煮神棍煮了羊架。 還有啫啫蝦醬生菜、酸梅麵豉蒸排骨和番茄肉片蛋花湯。
另外還焗了肉乾給他。
早餐分別有港式包和蘿蔔糕。 不過港式包唔知係咪啲酵母死死哋......又或煮我掌握打薄膜程度未到家,所以發得唔係幾好。 偏硬。
他匆匆來、匆匆走。 8 號一早吃過蘿蔔糕就走了。
沒有留言:
張貼留言