因禍得褔 @ HerMEs LinDy 26

1 Aug 2016

攪完老父壇嘢，又要準備返上海 3  號搬屋。 所以今日睇完醫生去屈臣史配埋少少維他命就 "拿拿林" 去機場。  趁八號風前睇吓有冇得改早啲走佬。

12 點幾就到咗機場。  可惜，hk airlines 早少少嗰班飛虹橋已經 fully book。 最快都係得自己原先 1725 嗰班。

去問東航要 2760。  去問港龍，話冇飛賣添。  不過肥仔話呢個時候唔好買其他航空公司，因為基本上都會 overbook。 而且港龍同國泰咁大，有位都只會比高級會員先。 所以最後我可能都走唔到。 無謂嘥錢。  

於是大把時間去 shopping。 

比我在 hermes 意外捕獲 lindy 26 茄紅。

本來捕獲大 silk bag 和這條 90 x 90 絲巾。  比晒錢等職員包裝之際，有位馬來西亞(??) 阿太同兩個仔入嚟問 lindy。

 於是個 sa 就拎咗呢個出嚟。  佢哋諗幾諗話唔要。 我梗係唔放過啦。 不過 sa 話每人只可以買一袋。  咁我話我放棄個 silk bag 要呢個。 咁佢話比晒錢就當我換貨。  每個袋只可以換一次。 咁難得，無選擇下我當然唯有放棄個 silk bag 啦。  sa 話我又唔一早問.....我話次次㗿親都話冇。  問得多都費事問啦。  就係咁比我意外入手了這個細版 lindy。 仲有機場搞活動，有 5000 現金 coupon。  好多 shop 都用得。

shop 完就去了 hk airlines service desk 度問幾時有 gate no.。  但一直無消息。 到了兩點半香港機場還未有訊息就收到飛常準消息航班被取消了。  點算好呢......問 service desk 佢話公司開會睇吓班機係咪照飛。 叫我留個電話話有消息通知我。   最後都係取消。 於是我問職員要做啲咩手續去改明天機位。 佢話要睇吓我個機票改唔改得。 叫我打電話去票務部。 跟住就叫我等佢同事嚟帶返我出去。  佢話因為我做了出境手續，所以要等同事帶我去離開。 於是就同十個八個強國人和兩名香港人一齊等。 但唔知仲咩搞好耐。

原本打算搵機場酒店，但實在太貴喇。

於是去"滾搞"細魔。 貪佢屋企有地鐵到。 又可以見吓小鬼同妹妹。

咁啱空姐太太兩公婆都諗住嚟機場 wait 返新加坡。 大家都冇得飛。 所以去青衣後佢兜我去細魔家。

晚上無論點打條 hotline 都冇人聽。 唯有等明天去機場再睇。